Preas Ráiteas

Fáiltíonn Údarás na Gaeltachta roimh an soláthar atá déanta sa Phlean Forbartha Náisiúnta don eagraíocht féin agus do na gnéithe sin den phlean atá dírithe ar thionscadail bhonneagair a mbeidh tionchar mór acu ar an nGaeltacht i rith na tréimhse 6 bliana 2007 – 2013.

S’iad na gnéithe is suntasaí den phlean a bhfuil impleachtaí don Ghaeltacht acu tá

• forbairt chalaphoirt Ros a’Mhíl,
• an soláthar substaintiúil d’fhorbairt chéibheanna agus seirbhísí do na hoileáin
• bóthar nua Chonamara
• an tacaíocht láidir do chláir fhorbartha tuaithe ar a n-áirítear clár LEADER agus soláthar leathanbhanda do cheantair thuaithe ar a n-áirítear na ceantair Ghaeltachta atá i limistéar CLÁR.
• forbairt bhóithre a dhéanfaidh éascaíocht rochtana do chontae Dhún na nGall.

Fáiltímid chomh maith roimh an ngeallúint go n-ullmhófar plean 20 bliain don Ghaeilge mar sé seo an chéad uair riamh a raibh soláthar ar leith don Ghaeilge i bPlean Forbartha Náisiúnta.