Preas Ráiteas

23 post nua do Bhaile na Finne

D’fhógair Údarás na Gaeltachta inniu (23 Meán Fómhair) go bhfuil an comhlacht Baile na Finne Plaisteach Teo. le gnó nua a bhunú i mBaile na Finne, Co. Dhún na nGall, agus 23 post nua a chruthú.
Beidh an comhlacht lonnaithe in Eastát Tionsclaíochta an Údaráis i mBaile na Finne agus beidh siad ag dul i mbun gnó i mí na Samhna 2015. Tá an comhlacht ag súil le 12 duine a fhostú roimh dheireadh na bliana.
Beidh an comhlacht ag táirgeadh gabhdáin phlaisteacha don earnáil bhia gasta. Dúirt Príomhfheidhmeannach Údarás na Gaeltachta, Steve Ó Cúláin, go raibh lúcháir ar an eagraíocht a bheith in ann tacaíocht a chur ar fáil don chomhlacht seo agus go mbeidh na poist seo thar a bheith tábhachtach do cheantar na Gaeltachta Láir.