Tá Nemeton, cliantchomhlacht de chuid Údarás na Gaeltachta atá lonnaithe sa Rinn, Co. Phort Láirge, ag leanúint dá obair ag cur cúrsa Ard Dioplóma i Léiriú Teilifíse ar fáil a soláthraíonn saineolaithe do thionscal na teilifíse agus na meáin. Tá an Ard Dioplóma i Léiriú Teilifíse i gcomhar le hInstutiúd Teicneolaíochta Phort Láirge á chur ar fáil le maoiniú ó Údarás na Gaeltachta.
Ó cuireadh tús leis an gcúrsa i 2006, tá thar 40 cláir cruthaithe mar pháirt d’obair an chúrsa agus craoladh 35 acu ar TG4. De bharr seo, tá an-cháil bainte amach ag an gcúrsa i dtionscal na teilifíse agus na meáin.
Tugann an Ard Dioplóma i Léiriú Teilifíse deis do mhic léinn, saineolas a bhaint amach ar na scileanna riachtanacha ins na meáin chumarsáide agus na meáin margaíochta digiteacha m.sh; Fís, Fuaim, Stiúradh agus Eagarthóireacht.
I mbliana, tá 12 mac léinn ó Chonamara, An Rinn, Port Láirge agus Corcaigh ag freastail ar an gcúrsa a thosaigh i mí Mheán Fómhair. Is cúrsa bliana ag leibhéal 8 é an Ard Dioplóma i Léiriú Teilifíse.
Tuilleadh eolais faoin gcúrsa ar fáil ar www.wit.ie agus www.nemeton.ie nó ag 058 46499.